Levering av tenester i og rundt Naustdal-Gjengedal landskapsvernområde og Ålfotbreen landskapsvernområde
Statsforvaltaren i Vestland søkjer etter tilbydarar av tenester i og rundt Naustdal-Gjengedal landskapsvernområde og Ålfotbreen landskapsvernområde. Det er snakk om større og mindre oppdrag innan tilrettelegging, skjøtsel, informasjonsarbeid og ymse småoppdrag for forvaltning og naturoppsyn.
Tenestekjøpet er fleksibelt, og vil bestå av fleire mindre oppdrag innanfor ei totalramme. Det vil vere oppdrag både i og rundt Naustdal-Gjengedal landskapsvernområde, og i og rundt Ålfotbreen landskapsvernområde. Med andre ord kan det verte oppdrag i kommunane Gloppen, Bremanger, Kinn og Sunnfjord. Oppdraga vil verte bestilt og avtala ved behov gjennom perioden.
Vi vil i utgangspunktet inngå rammeavtale med fleire tilbydarar med geografisk spreiing som dekkjer arbeidsområdet. Kor mange som det vert inngått avtale med kjem an på dei tilboda som kjem inn.