22/00170 - Rapport: Etableringa av Norec (Norsk senter for utvekslingssamarbeid (tidl. fredskorpset) i Førde

Norec (Norsk senter for utvekslingssamarbeid, tidl. Fredskorpset) er eit kompetansesenter for internasjonal arbeidsutveksling for unge arbeidstakarar. Norec gir tilskot, oppfølging og kursing til om lag 220 partnarar frå ei rekke ulike land. Partnarane består av organisasjonar, institusjonar og bedrifter i Norge, Afrika, Asia og Latin-Amerika. Desse jobbar saman om å løyse globale problem, ut frå lokale behov og føresetnader. Norec sitt tilskot går til at partnarane skal kunne utveksle tilsette eller medlemmer seg i mellom. Utvekslingane skal vere langsiktige og skje i fleire rundar over fleire år. Både partnarane og dei som reiser på utveksling – deltakarane – skal jobbe aktivt både under og etter utvekslinga for å sikre eit best mogleg miljø for læring. Alle partnarane og deltakarane får kursing og oppfølging både før, under og etter utveksling. Som eit ledd i Solberg-regjeringa sin plan for lokalisering av statlege arbeidsplassar for å bidra til å styrke arbeidsmarknaden i heile landet vart Norec sitt kontor flytta frå Oslo til Førde hausten 2018. Å gjennomgå ein slik flytteprosess er ei krevjande omstilling for ein kvar organisasjon. Då avgjerda om flytting var tatt vart det bestemt at Norec i same prosess skulle få nytt namn og ny instruks. Desse endringane var etterspurt i organisasjonen. Det var vart rekna som føremålstenleg å gjere dette samtidig som flytteprosessen då ein uansett skulle bygge opp organisasjonen på nytt i Førde. Etter kvart som Norec hadde fått tid til å etablere seg i Førde vart verda råka av koronapandemien. Over natta vart det umogleg å reise over landegrenser, og for Norec betydde dette at all ordinær aktivitet vart lagt ned. Norec er i ferd med å avslutte den første strategiperioden etter flyttinga (2019-2022). Organisasjonen har i denne perioden vore prega av hendingane beskrive ovanfor, og føremålet med denne studien er å undersøke korleis dette har påverka Norec som organisasjon og evna til å oppfylle samfunnsoppdraget.

Services

17.06.2022 12:00:00

73200000-4  Research and development consultancy services
73220000-0  Development consultancy services
73300000-5  Design and execution of research and development
73400000-6  Research and Development services on security and defence materials
98900000-2  Services provided by extra-territorial organisations and bodies
98910000-5  Services specific to international organisations and bodies