Det norske teater, Høgtalarsystem hovudscene

Det Norske Teatret skal ha ny Line-Array på hovudscenen for å kunne formidle lyddesign og lydkvalitet på det nivået som det i dag er forventa av ein musikal- og konsertscene. Hovudscenen har 750 sitteplassar i amfi og lengste avstand Line-Arrayet skal nå er 25 meter. Lydavdelinga sin ambisjon med dette innkjøpet er å erstatte og oppgradere riggen som heng i salen i dag med eit Line Array som vil levere eit lydtrykk på nivå med dei fleste konsertscenar samt gi eit jamt lydnivå og så jamn frekvenskurve som mogleg frå første til siste rad. Lydriggen må kunne formidle både vanleg teater, musikalar med komplekst lydbilde (opp til 150 kanalar før miks) samt vanleg konsertlyd. Dette anbodet gjeld eit Line Array med subbar i monocluster beståande av to lenker med høgtalarar som skal dekke heile salen og så langt fram som det er fornuftig å nå med eit Line Array (avhengig av opphengsposisjonen riggen får). Tilbydar må ta med downfill dersom dette krevst for å få nok spreiing av lyd. Teateret skal erstatte eksisterande Line Array (left-center-right system) med berre left-right Line Array på Hovudscenen (noverande Center skal IKKJE erstattast). Vidare vil vi få plassert subkassar i monocluster oppe i prosceniet for å oppnå betre subdekning. Installasjonsarbeid, dokumentasjon, testing, nødvendige kablar frå snorloft (om lag 28 meter opp frå scenen) samt opphengsutstyr må også vere inkludert. Eventuelle tromlar for kablar frå snorloft til trekk skal ikkje tilbydast. Anlegget må vere levert klart for Left-Right signal på AES frå miksar.

05.06.2019 12:00:00

32342410-9  Sound equipment
51313000-9  Installation services of sound equipment