Sak nr 22/68 Prosjektnr 2317 - Ombygging av Samvirket i Dale

Fjaler kommune overtok i 2017 eit eldre forretningsbygg i Dale sentrum som har vorte nytta til butikklokale for daglegvarer (Samvirkelaget). Bygget har ei grunnflate på om lag 1000m2 og er først oppført med første byggesteg i 1961 og med seinare påbygg i 1972 og 1983. I samband med endra bruk skal deler av bygget ombyggast frå butikk/lagerlokale til ulike kulturformål og fritidsformål. Bygget skal blant anna nyttast til kulturhus med kulturtilbod for ungdom og vaksne, og kontorlokale. Plan 3 er i dag i bruk til bustad og kontorlokaler. Deler av bygget er utleigt til firmaet PreForm as som nyttar eksisterande lokale til teaterproduksjon og til framsyningar med publikum, inntil 200 personar + ca. 20 stk aktørar. PreForm as skal fortsette å nytte lokala, også lokale for kontor og lydstudio. Fjaler kommune gjennomførte i 2021 ein mislukka konkurranse for restaurering og ombygging i samband med bruksendringa for dette bygget. Fjaler kommunestyre har vedteke at i ny utlysing skal arbeidet med fasade skiljast ut som eigen opsjon. Prosjektet kan difor bli delt i 2 deler. - Alle innvendige arbeid i bygget. I tillegg etablering av nødvendige rømmingsvegar, holtaking for nye vindauga og andre gjennomføringar i yttervegg. Det må også etablerast nytt vassinnlegg i tilknytingspunkt i Dalsvegen og nye spillvassrøyr fram til tilknytingspunkt i Melkevegen. - Opsjon 5 vil omfatte resterande utvendige fasadetiltak. Dette er arbeid med inngangsparti, tilleggsisolering, utskifting av dører og vindauge og andre fasadetiltak. Nokre av desse utvendige arbeida er temperaturavhengig og må utførast i sommarhalvåret. Om opsjon 5 vert innløyst kan denne utførast samstundes med innvendige arbeid, eller påfølgande sommar 2023.

14/03/2022 13:00:00

45000000-7  Construction work