22/2923 - Rammeavtale geologar
Luster kommune inviterer med dette til konkurranse om rammeavtale for geologar.
Luster kommune vil med denne anskaffinga inngå rammeavtale med ein -1- til tre -3- leverandørar.
Gjennom denne avtalen ønskjer Luster kommune å få enkel og god tilgang til geologar og få løyst oppgåver i høve dette med god kvalitet og til riktig pris.
Kommunen har behov for å nytte geolog med jamne mellomrom. Desse vert nytta til vurderingar knytt til reguleringsplan og byggesak. Luster kommune ber og om ein opsjonspris på utrykking ved ras.
Leverandøren skal gje oppdragsgjevar høg prioritet. Om ikkje anna er avtala, er siste frist for levering av ferdig produkt tre månader frå bestilling.
All dokumentasjon leverandør utarbeidar skal sendast kommunen og er kommunen sin eigedom.
Omfanget av avtalen er uklart, og det pålegg ikkje Luster kommune noko kjøpeplikt i volum etter denne anskaffinga.
Rammeavtalen vil ha leverandørar i prioritert rekkefølgje. Den som gjev best tilbod og får 1. prioritet, vil då bli spurt først om å gjennomføre oppdraget etter ein slik avtale. Dersom leverandør med 1. prioritet ikkje har høve til å ta jobben, går oppdraget vidare til den med 2. prioritet osv.Avtale vil bli inngått etter vedlagt mal. Varigheit på avtalen er 2 år med mogeleg lenging i ytterlegare 1+1år.
Rammeavtalen har ei ramme på inntil 2.000.000 kr over ein 4 års periode.