22/3204 - Asfaltering i Luster 2022
Luster kommune ber om pris på asfaltering/reasfaltering av kommunale vegar 2022. Prisen skal vera for ferdig lagt asfalt pr. m2, og det skal nyttast Agb16. Me ber dykk samstundes gje opp pris for lapping/oppretting og tilpassing mot slukar/kummar. Desse prisane vert ikkje vekta. Sjå prisskjema.
Asfaltering etter nærare avtale, men seinast veke 39. Om mogleg er det ynskje om å dele opp legginga slik:
1 runde i juli: Beimsbakkane (Hafslo), Leirdalen og Gaupne
2 runde i september: Høyheimsvik og Steinabakkane.
Det skal til ei kvar tid vera ein person på arbeidsplassen som kommuniserer godt norsk.
Dersom Leverandør forstår eller har grunn til å tru at levering vil bli forsinka, skal oppdragsgjevar få melding om dette utan ugrunna opphald, med opplysningar om årsaka samt ny leveringsdato.
Fakturering skal skje etterskotsvis og snarast etter oppdraget er utført, dersom ikkje anna vert avtala. Fakturering skal skje med betaling pr. 30 kalenderdagar. Betalingsfristen byrjar ikkje å løpe før levering er skjedd og godkjend faktura er motteken. Faktura skal sendast elektronisk på EHF format, inkludert eventuelle vedlegg.