24/05996 - Ungdomsundersøking om speleåtferd og speleproblem i Norge 2024/2025

Lotteritilsynet inviterer til anbodskonkurranse og målet er å få gjennomført ei større nasjonal spørjeundersøking blant ungdom der speleåtferd generelt og omfanget av speleproblem skal kartleggast. Undersøkinga skal belyse deltaking i pengespel, dataspel og spel i gråsona mellom penge- og dataspel. Prosjektstart er hausten 2024. Resultatet av undersøkinga skal offentleggjerast innan 1. oktober 2025. Rapporten skal vere på norsk, og i tillegg innehalde samandrag på både norsk og engelsk. Norsk er elles språket for gjennomføring av undersøkinga og dermed mellom anna datainnsamling. Før rapporten blir publisert skal den gjennomgåast av to eksterne forskarar med erfaring frå feltet. Undersøkinga har ei maksimal kostnadsramme på NOK 5.000.000,- (inkl. mva). Dette føreset endeleg tildeling / fullfinansiering frå Kultur og likestillingsdepartementet. Målinga skal gjennomførast i eit representativt utval av ungdommar i Norge med svar frå minimum 8 500 personar i alderen 12 til og med 17 år. Datainnsamlinga skal skje gjennom skular. Undersøkinga skal gjennomførast som eit forskingsprosjekt og på sjølvstendig grunnlag synleggjere speleåtferd og speleproblem blant ungdom i Norge. I tillegg skal den også kunne tene som utgangspunkt for ei seinare undersøking der eventuelle endringar og årsakssamanhengar kan undersøkjast. Dette skal gjerast mogeleg ved at begge undersøkingane har same utval av respondentar. Det er enno ikkje bestemt kor lang tid det skal gå mellom undersøkingane, men 2027 er eit aktuelt år.

Tjenester

02.09.2024 12:00:00

73000000-2  Forsknings- og utviklingsvirksomhet og tilhørende konsulenttjenester