Flåm oppvekstsenter - Ombygging av Flåm skule til oppvekstsenter

Ombygging av Flåm skule til oppvekstsenterAurland kommune skal bygge om Flåm skule til oppvekstsenter for skule med 1 – 4 trinnsløysing, og barnehage med 2 avdelingar. Ved etablering av oppvekstsenteret vert dagens bygningsmasse teken i bruk, og areal blir omdisponert. To små tilbygg blir rive og eit vognrom blir bygd til, elles er det ombygging av eksisterande bygning som utgjer prosjektet. Den største ombygginga blir i barnehagedelen. Barnehagen består av to avdelingar, ein for barn 0-3 år og ein for barn 3-6 år. Det er 12 plassar på avdeling for små barn, og 18 på stor avdeling. Dagens SFO og basseng med tilhøyrande garderobar byggast om til barnehage. Delar av garderoben ut mot vandrekorridoren blir gjort om til teknisk rom. Det skal etablerast eit fullisolert vognrom i nytt tilbygg på austsida av bygget. Utearealet må også omdisponerast og oppgraderast i samsvar med areala som kjem fram av situasjonsplan. Det skal etablerast ei leveringssone for barn like sør for oppvekstsenteret.
Skulen vil ikkje vere ibruk under ombygginga.